Scripture · Sanskrit Bible with the King James Version · the Pāli Canon
Path of Discrimination 28 पटिसम्भिदामग्ग 28
Chapter: 12345678910111213141516171819202122232425262728293031
3.7. Samasīsakathā
Pāli in Devanagari; under each word its Roman pronunciation, syllable by syllable (ṃ = nasal hum). Tap a Pāli word for its meaning (PTS Pāli-English Dictionary); tap again to open it in the Pāli dictionary. There is no free English translation of this book, so it is shown in Pāli only.
Verse: 12345678910111213141516 · Show pronunciation
-
1
Paṭisambhidāmagga
-
2
3 Paññāvagga
-
3
3।7। समसीसकथा
3.7. Samasīsakathā
-
4
सब्बधम्मानं सम्मासमुच्छेदे निरोधे च अनुपट्ठानता पञ्ञा समसीसट्ठे ञाणं।
Sabbadhammānaṁ sammāsamucchede nirodhe ca anupaṭṭhānatā paññā samasīsaṭṭhe ñāṇaṁ.
(Pāli only)
-
5
<ब्>सब्बधम्मानन्</ब्>ति पञ्चक्खन्धा, द्वादसायतनानि, अट्ठारस धातुयो, कुसला धम्मा, अकुसला धम्मा, अब्याकता धम्मा, कामावचरा धम्मा, रूपावचरा धम्मा, अरूपावचरा धम्मा, अपरियापन्ना धम्मा।
<b>Sabbadhammānan</b>ti pañcakkhandhā, dvādasāyatanāni, aṭṭhārasa dhātuyo, kusalā dhammā, akusalā dhammā, abyākatā dhammā, kāmāvacarā dhammā, rūpāvacarā dhammā, arūpāvacarā dhammā, apariyāpannā dhammā.
(Pāli only)
-
6
<ब्>सम्मा समुच्छेदे</ब्>ति नेक्खम्मेन कामच्छन्दं सम्मा समुच्छिन्दति, अब्यापादेन ब्यापादं सम्मा समुच्छिन्दति, आलोकसञ्ञाय थिनमिद्धं सम्मा समुच्छिन्दति, अविक्खेपेन उद्धच्चं सम्मा समुच्छिन्दति, धम्मववत्थानेन विचिकिच्छं सम्मा समुच्छिन्दति, ञाणेन अविज्जं सम्मा समुच्छिन्दति, पामोज्जेन अरतिं सम्मा समुच्छिन्दति, पठमेन झानेन नीवरणे सम्मा समुच्छिन्दति …पे…
<b>Sammā samucchede</b>ti nekkhammena kāmacchandaṁ sammā samucchindati, abyāpādena byāpādaṁ sammā samucchindati, ālokasaññāya thinamiddhaṁ sammā samucchindati, avikkhepena uddhaccaṁ sammā samucchindati, dhammavavatthānena vicikicchaṁ sammā samucchindati, ñāṇena avijjaṁ sammā samucchindati, pāmojjena aratiṁ sammā samucchindati, paṭhamena jhānena nīvaraṇe sammā samucchindati …pe…
(Pāli only)
-
7
अरहत्तमग्गेन सब्बकिलेसे सम्मा समुच्छिन्दति।
arahattamaggena sabbakilese sammā samucchindati.
(Pāli only)
-
8
<ब्>निरोधे</ब्>ति नेक्खम्मेन कामच्छन्दं निरोधेति, अब्यापादेन ब्यापादं निरोधेति, आलोकसञ्ञाय थिनमिद्धं निरोधेति, अविक्खेपेन उद्धच्चं निरोधेति, धम्मववत्थानेन विचिकिच्छं निरोधेति, ञाणेन अविज्जं निरोधेति, पामोज्जेन अरतिं निरोधेति, पठमेन झानेन नीवरणे निरोधेति …पे…
<b>Nirodhe</b>ti nekkhammena kāmacchandaṁ nirodheti, abyāpādena byāpādaṁ nirodheti, ālokasaññāya thinamiddhaṁ nirodheti, avikkhepena uddhaccaṁ nirodheti, dhammavavatthānena vicikicchaṁ nirodheti, ñāṇena avijjaṁ nirodheti, pāmojjena aratiṁ nirodheti, paṭhamena jhānena nīvaraṇe nirodheti …pe…
(Pāli only)
-
9
अरहत्तमग्गेन सब्बकिलेसे निरोधेति।
arahattamaggena sabbakilese nirodheti.
(Pāli only)
-
10
<ब्>अनुपट्ठानता</ब्>ति नेक्खम्मं पटिलद्धस्स कामच्छन्दो न उपट्ठाति, अब्यापादं पटिलद्धस्स ब्यापादो न उपट्ठाति, आलोकसञ्ञं पटिलद्धस्स थिनमिद्धं न उपट्ठाति, अविक्खेपं पटिलद्धस्स उद्धच्चं न उपट्ठाति, धम्मववत्थानं पटिलद्धस्स विचिकिच्छा न उपट्ठाति, ञाणं पटिलद्धस्स अविज्जा न उपट्ठाति, पामोज्जं पटिलद्धस्स अरति न उपट्ठाति, पठमं झानं पटिलद्धस्स नीवरणा न उपट्ठन्ति …पे…
<b>Anupaṭṭhānatā</b>ti nekkhammaṁ paṭiladdhassa kāmacchando na upaṭṭhāti, abyāpādaṁ paṭiladdhassa byāpādo na upaṭṭhāti, ālokasaññaṁ paṭiladdhassa thinamiddhaṁ na upaṭṭhāti, avikkhepaṁ paṭiladdhassa uddhaccaṁ na upaṭṭhāti, dhammavavatthānaṁ paṭiladdhassa vicikicchā na upaṭṭhāti, ñāṇaṁ paṭiladdhassa avijjā na upaṭṭhāti, pāmojjaṁ paṭiladdhassa arati na upaṭṭhāti, paṭhamaṁ jhānaṁ paṭiladdhassa nīvaraṇā na upaṭṭhanti …pe…
(Pāli only)
-
11
अरहत्तमग्गं पटिलद्धस्स सब्बकिलेसा न उपट्ठन्ति।
arahattamaggaṁ paṭiladdhassa sabbakilesā na upaṭṭhanti.
(Pāli only)
-
12
<ब्>समन्</ब्>ति कामच्छन्दस्स पहीनत्ता नेक्खम्मं समं, ब्यापादस्स पहीनत्ता अब्यापादो समं, थिनमिद्धस्स पहीनत्ता आलोकसञ्ञा समं, उद्धच्चस्स पहीनत्ता अविक्खेपो समं, विचिकिच्छाय पहीनत्ता धम्मववत्थानं समं, अविज्जाय पहीनत्ता ञाणं समं, अरतिया पहीनत्ता पामोज्जं समं, नीवरणानं पहीनत्ता पठमं झानं समं …पे…
<b>Saman</b>ti kāmacchandassa pahīnattā nekkhammaṁ samaṁ, byāpādassa pahīnattā abyāpādo samaṁ, thinamiddhassa pahīnattā ālokasaññā samaṁ, uddhaccassa pahīnattā avikkhepo samaṁ, vicikicchāya pahīnattā dhammavavatthānaṁ samaṁ, avijjāya pahīnattā ñāṇaṁ samaṁ, aratiyā pahīnattā pāmojjaṁ samaṁ, nīvaraṇānaṁ pahīnattā paṭhamaṁ jhānaṁ samaṁ …pe…
(Pāli only)
-
13
सब्बकिलेसानं पहीनत्ता अरहत्तमग्गो समं।
sabbakilesānaṁ pahīnattā arahattamaggo samaṁ.
(Pāli only)
-
14
<b>Sīsan</b>ti terasa sīsāni—
(Pāli only)
-
15
पलिबोधसीसञ्च तण्हा, विनिबन्धनसीसञ्च मानो, परामाससीसञ्च दिट्ठि, विक्खेपसीसञ्च उद्धच्चं, सङ्किलेससीसञ्च अविज्जा, अधिमोक्खसीसञ्च सद्धा, पग्गहसीसञ्च वीरियं, उपट्ठानसीसञ्च सति, अविक्खेपसीसञ्च समाधि, दस्सनसीसञ्च पञ्ञा, पवत्तसीसञ्च जीवितिन्द्रियं, गोचरसीसञ्च विमोक्खो, सङ्खारसीसञ्च निरोधोति।
palibodhasīsañca taṇhā, vinibandhanasīsañca māno, parāmāsasīsañca diṭṭhi, vikkhepasīsañca uddhaccaṁ, saṅkilesasīsañca avijjā, adhimokkhasīsañca saddhā, paggahasīsañca vīriyaṁ, upaṭṭhānasīsañca sati, avikkhepasīsañca samādhi, dassanasīsañca paññā, pavattasīsañca jīvitindriyaṁ, gocarasīsañca vimokkho, saṅkhārasīsañca nirodhoti.
(Pāli only)
- 16
Sources. Sanskrit: Satyavedaḥ, the New Testament in Sanskrit (Calcutta Baptist Missionaries, 1851; J. Wenger’s revision of W. Carey’s version). Digital text © 2018 SanskritBible.in, via eBible.org, licensed CC BY-SA 4.0; changed here: arranged by verse and every word linked to the dictionary (links made automatically). Old Testament Sanskrit: the Old Testament in Sanskrit, Calcutta Baptist Mission Press, 1848–1852 (public domain), read by OCR from the Internet Archive scans of the Boston University School of Theology copy; unproofread, with machine clean-up only. Pāli Canon: Mahāsaṅgīti Tipiṭaka Buddhavasse 2500 (based on the Vipassana Research Institute’s Chaṭṭha Saṅgāyana edition), from SuttaCentral bilara-data, CC0; Devanagari and pronunciation made automatically from the Roman text. Pāli English: Bhikkhu Sujato (suttas) and Bhikkhu Brahmali (Vinaya), SuttaCentral, CC0. Pāli word meanings: the Pali Text Society’s Pali-English Dictionary (Rhys Davids & Stede), corrected reprint © The Pali Text Society, CC BY-NC 3.0, digital text from BuddhaDust; word matching automatic. English: King James Version (1769), public domain; words the translators added are in italics. Word meanings and pronunciations: Monier-Williams, Sanskrit–English Dictionary (1872), via this site’s Sanskrit dictionary (CC BY-SA 4.0); English↔Sanskrit word matches made automatically and may need checking.