Scripture · Sanskrit Bible with the King James Version · the Pāli Canon
The Guide 11 नेत्तिप्पकरण 11
Chapter: 12345678910111213141516171819202122232425262728293031323334353637
Vibhattihāravibhaṅga
Pāli in Devanagari; under each word its Roman pronunciation, syllable by syllable (ṃ = nasal hum). Tap a Pāli word for its meaning (PTS Pāli-English Dictionary); tap again to open it in the Pāli dictionary. There is no free English translation of this book, so it is shown in Pāli only.
Verse: 1234567891011121314151617181920212223242526272829303132 · Show pronunciation
-
1
Netti
-
2
Paṭiniddesavāra
-
3
विभङ्ग 8
Vibhaṅga 8
-
4
Vibhattihāravibhaṅga
-
5
Tattha katamo vibhattihāro?
(Pāli only)
-
6
“धम्मञ्च पदट्ठानं भूमिञ्चा”ति।
“Dhammañca padaṭṭhānaṁ bhūmiñcā”ti.
(Pāli only)
-
7
द्वे सुत्तानि वासनाभागियञ्च निब्बेधभागियञ्च।
Dve suttāni vāsanābhāgiyañca nibbedhabhāgiyañca.
(Pāli only)
- 8
-
9
द्वे सीलानि संवरसीलञ्च पहानसीलञ्च, तत्थ भगवा वासनाभागियं सुत्तं पुञ्ञभागियाय पटिपदाय देसयति, सो संवरसीले ठितो तेन ब्रह्मचरियेन ब्रह्मचारी भवति, तत्थ भगवा निब्बेधभागियं सुत्तं फलभागियाय पटिपदाय देसयति, सो पहानसीले ठितो तेन ब्रह्मचरियेन ब्रह्मचारी भवति।
Dve sīlāni saṁvarasīlañca pahānasīlañca, tattha bhagavā vāsanābhāgiyaṁ suttaṁ puññabhāgiyāya paṭipadāya desayati, so saṁvarasīle ṭhito tena brahmacariyena brahmacārī bhavati, tattha bhagavā nibbedhabhāgiyaṁ suttaṁ phalabhāgiyāya paṭipadāya desayati, so pahānasīle ṭhito tena brahmacariyena brahmacārī bhavati.
(Pāli only)
-
10
Tattha katamaṁ vāsanābhāgiyaṁ suttaṁ?
(Pāli only)
-
11
वासनाभागियं नाम सुत्तं दानकथा सीलकथा सग्गकथा कामानं आदीनवो नेक्खम्मे आनिसंसोति।
Vāsanābhāgiyaṁ nāma suttaṁ dānakathā sīlakathā saggakathā kāmānaṁ ādīnavo nekkhamme ānisaṁsoti.
(Pāli only)
-
12
तत्थ कतमं निब्बेधभागियं सुत्तं?
Tattha katamaṁ nibbedhabhāgiyaṁ suttaṁ?
(Pāli only)
-
13
निब्बेधभागियं नाम सुत्तं या चतुसच्चप्पकासना, वासनाभागिये सुत्ते नत्थि पजानना, नत्थि मग्गो, नत्थि फलं।
Nibbedhabhāgiyaṁ nāma suttaṁ yā catusaccappakāsanā, vāsanābhāgiye sutte natthi pajānanā, natthi maggo, natthi phalaṁ.
(Pāli only)
- 14
- 15
-
16
इमेसं चतुन्नं सुत्तानं देसनाय फलेन सीलेन ब्रह्मचरियेन सब्बतो विचयेन हारेन विचिनित्वा युत्तिहारेन योजयितब्बा यावतिका ञाणस्स भूमि।
Imesaṁ catunnaṁ suttānaṁ desanāya phalena sīlena brahmacariyena sabbato vicayena hārena vicinitvā yuttihārena yojayitabbā yāvatikā ñāṇassa bhūmi.
(Pāli only)
- 17
-
18
द्वे धम्मा साधारणा नामसाधारणा वत्थुसाधारणा च।
Dve dhammā sādhāraṇā nāmasādhāraṇā vatthusādhāraṇā ca.
(Pāli only)
-
19
यं वा पन किञ्चि अञ्ञम्पि एवं जातियं, मिच्छत्तनियतानं सत्तानं अनियतानञ्च सत्तानं दस्सनप्पहातब्बा किलेसा साधारणा, पुथुज्जनस्स सोतापन्नस्स च कामरागब्यापादा साधारणा, पुथुज्जनस्स अनागामिस्स च उद्धम्भागिया संयोजना साधारणा, यं किञ्चि अरियसावको लोकियं समापत्तिं समापज्जति, सब्बा सा अवीतरागेहि साधारणा, साधारणा हि धम्मा एवं अञ्ञमञ्ञं परं परं सकं सकं विसयं नातिवत्तन्ति।
Yaṁ vā pana kiñci aññampi evaṁ jātiyaṁ, micchattaniyatānaṁ sattānaṁ aniyatānañca sattānaṁ dassanappahātabbā kilesā sādhāraṇā, puthujjanassa sotāpannassa ca kāmarāgabyāpādā sādhāraṇā, puthujjanassa anāgāmissa ca uddhambhāgiyā saṁyojanā sādhāraṇā, yaṁ kiñci ariyasāvako lokiyaṁ samāpattiṁ samāpajjati, sabbā sā avītarāgehi sādhāraṇā, sādhāraṇā hi dhammā evaṁ aññamaññaṁ paraṁ paraṁ sakaṁ sakaṁ visayaṁ nātivattanti.
(Pāli only)
- 20
- 21
- 22
-
23
याव देसनं उपादाय गवेसितब्बा सेक्खासेक्खा भब्बाभब्बाति, अट्ठमकस्स सोतापन्नस्स च कामरागब्यापादा साधारणा धम्मता असाधारणा, अट्ठमकस्स अनागामिस्स च उद्धम्भागिया संयोजना साधारणा धम्मता असाधारणा।
Yāva desanaṁ upādāya gavesitabbā sekkhāsekkhā bhabbābhabbāti, aṭṭhamakassa sotāpannassa ca kāmarāgabyāpādā sādhāraṇā dhammatā asādhāraṇā, aṭṭhamakassa anāgāmissa ca uddhambhāgiyā saṁyojanā sādhāraṇā dhammatā asādhāraṇā.
(Pāli only)
- 24
- 25
- 26
-
27
एवं विसेसानुपस्सिना हीनुक्कट्ठमज्झिमं उपादाय गवेसितब्बं।
Evaṁ visesānupassinā hīnukkaṭṭhamajjhimaṁ upādāya gavesitabbaṁ.
(Pāli only)
-
28
दस्सनभूमि नियामावक्कन्तिया पदट्ठानं, भावनाभूमि उत्तरिकानं फलानं पत्तिया पदट्ठानं, दुक्खा पटिपदा दन्धाभिञ्ञा समथस्स पदट्ठानं, सुखा पटिपदा खिप्पाभिञ्ञा विपस्सनाय पदट्ठानं, दानमयं पुञ्ञकिरियवत्थु परतो घोसस्स साधारणं पदट्ठानं, सीलमयं पुञ्ञकिरियवत्थु चिन्तामयिया पञ्ञाय साधारणं पदट्ठानं, भावनामयं पुञ्ञकिरियवत्थु भावनामयिया पञ्ञाय साधारणं पदट्ठानं।
Dassanabhūmi niyāmāvakkantiyā padaṭṭhānaṁ, bhāvanābhūmi uttarikānaṁ phalānaṁ pattiyā padaṭṭhānaṁ, dukkhā paṭipadā dandhābhiññā samathassa padaṭṭhānaṁ, sukhā paṭipadā khippābhiññā vipassanāya padaṭṭhānaṁ, dānamayaṁ puññakiriyavatthu parato ghosassa sādhāraṇaṁ padaṭṭhānaṁ, sīlamayaṁ puññakiriyavatthu cintāmayiyā paññāya sādhāraṇaṁ padaṭṭhānaṁ, bhāvanāmayaṁ puññakiriyavatthu bhāvanāmayiyā paññāya sādhāraṇaṁ padaṭṭhānaṁ.
(Pāli only)
-
29
दानमयं पुञ्ञकिरियवत्थु परतो च घोसस्स सुतमयिया च पञ्ञाय साधारणं पदट्ठानं सीलमयं पुञ्ञकिरियवत्थु चिन्तामयिया च पञ्ञाय योनिसो च मनसिकारस्स साधारणं पदट्ठानं, भावनामयं पुञ्ञकिरियवत्थु भावनामयिया च पञ्ञाय सम्मादिट्ठिया च साधारणं पदट्ठानं।
Dānamayaṁ puññakiriyavatthu parato ca ghosassa sutamayiyā ca paññāya sādhāraṇaṁ padaṭṭhānaṁ sīlamayaṁ puññakiriyavatthu cintāmayiyā ca paññāya yoniso ca manasikārassa sādhāraṇaṁ padaṭṭhānaṁ, bhāvanāmayaṁ puññakiriyavatthu bhāvanāmayiyā ca paññāya sammādiṭṭhiyā ca sādhāraṇaṁ padaṭṭhānaṁ.
(Pāli only)
-
30
पतिरूपदेसवासो विवेकस्स च समाधिस्स च साधारणं पदट्ठानं, सप्पुरिसूपनिस्सयो तिण्णञ्च अवेच्चप्पसादानं समथस्स च साधारणं पदट्ठानं, अत्तसम्मापणिधानं हिरिया च विपस्सनाय च साधारणं पदट्ठानं, अकुसलपरिच्चागो कुसलवीमंसाय च समाधिन्द्रियस्स च साधारणं पदट्ठानं, धम्मस्वाक्खातता कुसलमूलरोपनाय च फलसमापत्तिया च साधारणं पदट्ठानं, सङ्घसुप्पटिपन्नता सङ्घसुट्ठुताय साधारणं पदट्ठानं, सत्थुसम्पदा अप्पसन्नानञ्च पसादाय पसन्नानञ्च भिय्योभावाय साधारणं पदट्ठानं, अप्पटिहतपातिमोक्खता दुम्मङ्कूनञ्च पुग्गलानं निग्गहाय पेसलानञ्च पुग्गलानं फासुविहाराय साधारणं पदट्ठानं।
Patirūpadesavāso vivekassa ca samādhissa ca sādhāraṇaṁ padaṭṭhānaṁ, sappurisūpanissayo tiṇṇañca aveccappasādānaṁ samathassa ca sādhāraṇaṁ padaṭṭhānaṁ, attasammāpaṇidhānaṁ hiriyā ca vipassanāya ca sādhāraṇaṁ padaṭṭhānaṁ, akusalapariccāgo kusalavīmaṁsāya ca samādhindriyassa ca sādhāraṇaṁ padaṭṭhānaṁ, dhammasvākkhātatā kusalamūlaropanāya ca phalasamāpattiyā ca sādhāraṇaṁ padaṭṭhānaṁ, saṅghasuppaṭipannatā saṅghasuṭṭhutāya sādhāraṇaṁ padaṭṭhānaṁ, satthusampadā appasannānañca pasādāya pasannānañca bhiyyobhāvāya sādhāraṇaṁ padaṭṭhānaṁ, appaṭihatapātimokkhatā dummaṅkūnañca puggalānaṁ niggahāya pesalānañca puggalānaṁ phāsuvihārāya sādhāraṇaṁ padaṭṭhānaṁ.
(Pāli only)
-
31
तेनाह आयस्मा महाकच्चायनो “धम्मञ्च पदट्ठानन्”ति।
Tenāha āyasmā mahākaccāyano “dhammañca padaṭṭhānan”ti.
(Pāli only)
- 32
Sources. Sanskrit: Satyavedaḥ, the New Testament in Sanskrit (Calcutta Baptist Missionaries, 1851; J. Wenger’s revision of W. Carey’s version). Digital text © 2018 SanskritBible.in, via eBible.org, licensed CC BY-SA 4.0; changed here: arranged by verse and every word linked to the dictionary (links made automatically). Old Testament Sanskrit: the Old Testament in Sanskrit, Calcutta Baptist Mission Press, 1848–1852 (public domain), read by OCR from the Internet Archive scans of the Boston University School of Theology copy; unproofread, with machine clean-up only. Pāli Canon: Mahāsaṅgīti Tipiṭaka Buddhavasse 2500 (based on the Vipassana Research Institute’s Chaṭṭha Saṅgāyana edition), from SuttaCentral bilara-data, CC0; Devanagari and pronunciation made automatically from the Roman text. Pāli English: Bhikkhu Sujato (suttas) and Bhikkhu Brahmali (Vinaya), SuttaCentral, CC0. Pāli word meanings: the Pali Text Society’s Pali-English Dictionary (Rhys Davids & Stede), corrected reprint © The Pali Text Society, CC BY-NC 3.0, digital text from BuddhaDust; word matching automatic. English: King James Version (1769), public domain; words the translators added are in italics. Word meanings and pronunciations: Monier-Williams, Sanskrit–English Dictionary (1872), via this site’s Sanskrit dictionary (CC BY-SA 4.0); English↔Sanskrit word matches made automatically and may need checking.