Scripture · Sanskrit Bible with the King James Version · the Pāli Canon
The Guide 7 नेत्तिप्पकरण 7
Chapter: 12345678910111213141516171819202122232425262728293031323334353637
Padaṭṭhānahāravibhaṅga
Pāli in Devanagari; under each word its Roman pronunciation, syllable by syllable (ṃ = nasal hum). Tap a Pāli word for its meaning (PTS Pāli-English Dictionary); tap again to open it in the Pāli dictionary. There is no free English translation of this book, so it is shown in Pāli only.
Verse: 123456789101112131415161718192021222324252627282930313233343536373839404142434445464748495051525354555657 · Show pronunciation
-
1
Netti
-
2
Paṭiniddesavāra
-
3
विभङ्ग 4
Vibhaṅga 4
-
4
Padaṭṭhānahāravibhaṅga
- 5
- 6
- 7
-
8
सब्बधम्मयाथावअसम्पटिवेधलक्खणा अविज्जा, तस्सा विपल्लासा पदट्ठानं।
Sabbadhammayāthāvaasampaṭivedhalakkhaṇā avijjā, tassā vipallāsā padaṭṭhānaṁ.
(Pāli only)
- 9
-
10
पत्थनलक्खणो लोभो, तस्स अदिन्नादानं पदट्ठानं।
Patthanalakkhaṇo lobho, tassa adinnādānaṁ padaṭṭhānaṁ.
(Pāli only)
- 11
-
12
सासवफस्सउपगमनलक्खणा सुखसञ्ञा, तस्सा अस्सादो पदट्ठानं।
Sāsavaphassaupagamanalakkhaṇā sukhasaññā, tassā assādo padaṭṭhānaṁ.
(Pāli only)
-
13
सङ्खतलक्खणानं धम्मानं असमनुपस्सनलक्खणा निच्चसञ्ञा, तस्सा विञ्ञाणं पदट्ठानं।
Saṅkhatalakkhaṇānaṁ dhammānaṁ asamanupassanalakkhaṇā niccasaññā, tassā viññāṇaṁ padaṭṭhānaṁ.
(Pāli only)
-
14
अनिच्चसञ्ञादुक्खसञ्ञाअसमनुपस्सनलक्खणा अत्तसञ्ञा, तस्सा नामकायो पदट्ठानं।
Aniccasaññādukkhasaññāasamanupassanalakkhaṇā attasaññā, tassā nāmakāyo padaṭṭhānaṁ.
(Pāli only)
- 15
-
16
चित्तविक्खेपपटिसंहरणलक्खणो समथो, तस्स असुभा पदट्ठानं।
Cittavikkhepapaṭisaṁharaṇalakkhaṇo samatho, tassa asubhā padaṭṭhānaṁ.
(Pāli only)
-
17
इच्छावचरपटिसंहरणलक्खणो अलोभो, तस्स अदिन्नादाना वेरमणी पदट्ठानं।
Icchāvacarapaṭisaṁharaṇalakkhaṇo alobho, tassa adinnādānā veramaṇī padaṭṭhānaṁ.
(Pāli only)
-
18
अब्यापज्जलक्खणो अदोसो, तस्स पाणातिपाता वेरमणी पदट्ठानं।
Abyāpajjalakkhaṇo adoso, tassa pāṇātipātā veramaṇī padaṭṭhānaṁ.
(Pāli only)
-
19
वत्थुअविप्पटिपत्तिलक्खणो अमोहो, तस्स सम्मापटिपत्ति पदट्ठानं।
Vatthuavippaṭipattilakkhaṇo amoho, tassa sammāpaṭipatti padaṭṭhānaṁ.
(Pāli only)
-
20
विनीलकविपुब्बकगहणलक्खणा असुभसञ्ञा, तस्सा निब्बिदा पदट्ठानं।
Vinīlakavipubbakagahaṇalakkhaṇā asubhasaññā, tassā nibbidā padaṭṭhānaṁ.
(Pāli only)
-
21
सासवफस्सपरिजाननलक्खणा दुक्खसञ्ञा, तस्सा वेदना पदट्ठानं।
Sāsavaphassaparijānanalakkhaṇā dukkhasaññā, tassā vedanā padaṭṭhānaṁ.
(Pāli only)
-
22
सङ्खतलक्खणानं धम्मानं समनुपस्सनलक्खणा अनिच्चसञ्ञा, तस्सा उप्पादवया पदट्ठानं।
Saṅkhatalakkhaṇānaṁ dhammānaṁ samanupassanalakkhaṇā aniccasaññā, tassā uppādavayā padaṭṭhānaṁ.
(Pāli only)
-
23
सब्बधम्मअभिनिवेसलक्खणा अनत्तसञ्ञा, तस्सा धम्मसञ्ञा पदट्ठानं।
Sabbadhammaabhinivesalakkhaṇā anattasaññā, tassā dhammasaññā padaṭṭhānaṁ.
(Pāli only)
-
24
पञ्च कामगुणा कामरागस्स पदट्ठानं, पञ्चिन्द्रियानि रूपीनि रूपरागस्स पदट्ठानं, छट्ठायतनं भवरागस्स पदट्ठानं, निब्बत्तभवानुपस्सिता पञ्चन्नं उपादानक्खन्धानं पदट्ठानं, पुब्बेनिवासानुस्सतिञाणदस्सनस्स पदट्ठानं।
Pañca kāmaguṇā kāmarāgassa padaṭṭhānaṁ, pañcindriyāni rūpīni rūparāgassa padaṭṭhānaṁ, chaṭṭhāyatanaṁ bhavarāgassa padaṭṭhānaṁ, nibbattabhavānupassitā pañcannaṁ upādānakkhandhānaṁ padaṭṭhānaṁ, pubbenivāsānussatiñāṇadassanassa padaṭṭhānaṁ.
(Pāli only)
-
25
ओकप्पनलक्खणा सद्धा अधिमुत्तिपच्चुपट्ठाना च, अनाविललक्खणो पसादो सम्पसीदनपच्चुपट्ठानो च।
Okappanalakkhaṇā saddhā adhimuttipaccupaṭṭhānā ca, anāvilalakkhaṇo pasādo sampasīdanapaccupaṭṭhāno ca.
(Pāli only)
-
26
अभिपत्थियनलक्खणा सद्धा, तस्सा अवेच्चप्पसादो पदट्ठानं।
Abhipatthiyanalakkhaṇā saddhā, tassā aveccappasādo padaṭṭhānaṁ.
(Pāli only)
-
27
अनाविललक्खणो पसादो, तस्स सद्धा पदट्ठानं।
Anāvilalakkhaṇo pasādo, tassa saddhā padaṭṭhānaṁ.
(Pāli only)
-
28
आरम्भलक्खणं वीरियं, तस्स सम्मप्पधानं पदट्ठानं।
Ārambhalakkhaṇaṁ vīriyaṁ, tassa sammappadhānaṁ padaṭṭhānaṁ.
(Pāli only)
-
29
अपिलापनलक्खणा सति, तस्सा सतिपट्ठानं पदट्ठानं।
Apilāpanalakkhaṇā sati, tassā satipaṭṭhānaṁ padaṭṭhānaṁ.
(Pāli only)
-
30
एकग्गलक्खणो समाधि, तस्स झानानि पदट्ठानं।
Ekaggalakkhaṇo samādhi, tassa jhānāni padaṭṭhānaṁ.
(Pāli only)
-
31
पजाननलक्खणा पञ्ञा, तस्सा सच्चानि पदट्ठानं।
Pajānanalakkhaṇā paññā, tassā saccāni padaṭṭhānaṁ.
(Pāli only)
-
32
अपरो नयो, अस्सादमनसिकारलक्खणो अयोनिसोमनसिकारो, तस्स अविज्जा पदट्ठानं।
Aparo nayo, assādamanasikāralakkhaṇo ayonisomanasikāro, tassa avijjā padaṭṭhānaṁ.
(Pāli only)
-
33
सच्चसम्मोहनलक्खणा अविज्जा, सा सङ्खारानं पदट्ठानं।
Saccasammohanalakkhaṇā avijjā, sā saṅkhārānaṁ padaṭṭhānaṁ.
(Pāli only)
-
34
पुनब्भवविरोहणलक्खणा सङ्खारा, ते विञ्ञाणस्स पदट्ठानं।
Punabbhavavirohaṇalakkhaṇā saṅkhārā, te viññāṇassa padaṭṭhānaṁ.
(Pāli only)
-
35
ओपपच्चयिकनिब्बत्तिलक्खणं विञ्ञाणं, तं नामरूपस्स पदट्ठानं।
Opapaccayikanibbattilakkhaṇaṁ viññāṇaṁ, taṁ nāmarūpassa padaṭṭhānaṁ.
(Pāli only)
-
36
नामकायरूपकायसङ्घातलक्खणं नामरूपं, तं छळायतनस्स पदट्ठानं।
Nāmakāyarūpakāyasaṅghātalakkhaṇaṁ nāmarūpaṁ, taṁ chaḷāyatanassa padaṭṭhānaṁ.
(Pāli only)
-
37
इन्द्रियववत्थानलक्खणं छळायतनं, तं फस्सस्स पदट्ठानं।
Indriyavavatthānalakkhaṇaṁ chaḷāyatanaṁ, taṁ phassassa padaṭṭhānaṁ.
(Pāli only)
-
38
चक्खुरूपविञ्ञाणसन्निपातलक्खणो फस्सो, सो वेदनाय पदट्ठानं।
Cakkhurūpaviññāṇasannipātalakkhaṇo phasso, so vedanāya padaṭṭhānaṁ.
(Pāli only)
-
39
इट्ठानिट्ठअनुभवनलक्खणा वेदना, सा तण्हाय पदट्ठानं।
Iṭṭhāniṭṭhaanubhavanalakkhaṇā vedanā, sā taṇhāya padaṭṭhānaṁ.
(Pāli only)
-
40
अज्झोसानलक्खणा तण्हा, सा उपादानस्स पदट्ठानं।
Ajjhosānalakkhaṇā taṇhā, sā upādānassa padaṭṭhānaṁ.
(Pāli only)
-
41
ओपपच्चयिकं उपादानं, तं भवस्स पदट्ठानं।
Opapaccayikaṁ upādānaṁ, taṁ bhavassa padaṭṭhānaṁ.
(Pāli only)
-
42
नामकायरूपकायसम्भवनलक्खणो भवो, सो जातिया पदट्ठानं।
Nāmakāyarūpakāyasambhavanalakkhaṇo bhavo, so jātiyā padaṭṭhānaṁ.
(Pāli only)
-
43
खन्धपातुभवनलक्खणा जाति, सा जराय पदट्ठानं।
Khandhapātubhavanalakkhaṇā jāti, sā jarāya padaṭṭhānaṁ.
(Pāli only)
-
44
उपधिपरिपाकलक्खणा जरा, सा मरणस्स पदट्ठानं।
Upadhiparipākalakkhaṇā jarā, sā maraṇassa padaṭṭhānaṁ.
(Pāli only)
-
45
जीवितिन्द्रियुपच्छेदलक्खणं मरणं, तं सोकस्स पदट्ठानं।
Jīvitindriyupacchedalakkhaṇaṁ maraṇaṁ, taṁ sokassa padaṭṭhānaṁ.
(Pāli only)
-
46
उस्सुक्ककारको सोको, सो परिदेवस्स पदट्ठानं।
Ussukkakārako soko, so paridevassa padaṭṭhānaṁ.
(Pāli only)
-
47
लालप्पकारको परिदेवो, सो दुक्खस्स पदट्ठानं।
Lālappakārako paridevo, so dukkhassa padaṭṭhānaṁ.
(Pāli only)
-
48
कायसम्पीळनं दुक्खं, तं दोमनस्सस्स पदट्ठानं।
Kāyasampīḷanaṁ dukkhaṁ, taṁ domanassassa padaṭṭhānaṁ.
(Pāli only)
-
49
चित्तसम्पीळनं दोमनस्सं, तं उपायासस्स पदट्ठानं।
Cittasampīḷanaṁ domanassaṁ, taṁ upāyāsassa padaṭṭhānaṁ.
(Pāli only)
- 50
- 51
-
52
निय्यानिकलक्खणो मग्गो, सो निरोधस्स पदट्ठानं।
Niyyānikalakkhaṇo maggo, so nirodhassa padaṭṭhānaṁ.
(Pāli only)
-
53
तित्थञ्ञुता पीतञ्ञुताय पदट्ठानं, पीतञ्ञुता पत्तञ्ञुताय पदट्ठानं, पत्तञ्ञुता अत्तञ्ञुताय पदट्ठानं, अत्तञ्ञुता पुब्बेकतपुञ्ञताय पदट्ठानं, पुब्बेकतपुञ्ञता पतिरूपदेसवासस्स पदट्ठानं, पतिरूपदेसवासो सप्पुरिसूपनिस्सयस्स पदट्ठानं, सप्पुरिसूपनिस्सयो अत्तसम्मापणिधानस्स पदट्ठानं, अत्तसम्मापणिधानं सीलानं पदट्ठानं, सीलानि अविप्पटिसारस्स पदट्ठानं, अविप्पटिसारो पामोज्जस्स पदट्ठानं, पामोज्जं पीतिया पदट्ठानं, पीति पस्सद्धिया पदट्ठानं, पस्सद्धि सुखस्स पदट्ठानं, सुखं समाधिस्स पदट्ठानं, समाधि यथाभूतञाणदस्सनस्स पदट्ठानं, यथाभूतञाणदस्सनं निब्बिदाय पदट्ठानं, निब्बिदा विरागस्स पदट्ठानं, विरागो विमुत्तिया पदट्ठानं।
Titthaññutā pītaññutāya padaṭṭhānaṁ, pītaññutā pattaññutāya padaṭṭhānaṁ, pattaññutā attaññutāya padaṭṭhānaṁ, attaññutā pubbekatapuññatāya padaṭṭhānaṁ, pubbekatapuññatā patirūpadesavāsassa padaṭṭhānaṁ, patirūpadesavāso sappurisūpanissayassa padaṭṭhānaṁ, sappurisūpanissayo attasammāpaṇidhānassa padaṭṭhānaṁ, attasammāpaṇidhānaṁ sīlānaṁ padaṭṭhānaṁ, sīlāni avippaṭisārassa padaṭṭhānaṁ, avippaṭisāro pāmojjassa padaṭṭhānaṁ, pāmojjaṁ pītiyā padaṭṭhānaṁ, pīti passaddhiyā padaṭṭhānaṁ, passaddhi sukhassa padaṭṭhānaṁ, sukhaṁ samādhissa padaṭṭhānaṁ, samādhi yathābhūtañāṇadassanassa padaṭṭhānaṁ, yathābhūtañāṇadassanaṁ nibbidāya padaṭṭhānaṁ, nibbidā virāgassa padaṭṭhānaṁ, virāgo vimuttiyā padaṭṭhānaṁ.
(Pāli only)
-
54
विमुत्ति विमुत्तिञाणदस्सनस्स पदट्ठानं।
Vimutti vimuttiñāṇadassanassa padaṭṭhānaṁ.
(Pāli only)
- 55
- 56
- 57
Sources. Sanskrit: Satyavedaḥ, the New Testament in Sanskrit (Calcutta Baptist Missionaries, 1851; J. Wenger’s revision of W. Carey’s version). Digital text © 2018 SanskritBible.in, via eBible.org, licensed CC BY-SA 4.0; changed here: arranged by verse and every word linked to the dictionary (links made automatically). Old Testament Sanskrit: the Old Testament in Sanskrit, Calcutta Baptist Mission Press, 1848–1852 (public domain), read by OCR from the Internet Archive scans of the Boston University School of Theology copy; unproofread, with machine clean-up only. Pāli Canon: Mahāsaṅgīti Tipiṭaka Buddhavasse 2500 (based on the Vipassana Research Institute’s Chaṭṭha Saṅgāyana edition), from SuttaCentral bilara-data, CC0; Devanagari and pronunciation made automatically from the Roman text. Pāli English: Bhikkhu Sujato (suttas) and Bhikkhu Brahmali (Vinaya), SuttaCentral, CC0. Pāli word meanings: the Pali Text Society’s Pali-English Dictionary (Rhys Davids & Stede), corrected reprint © The Pali Text Society, CC BY-NC 3.0, digital text from BuddhaDust; word matching automatic. English: King James Version (1769), public domain; words the translators added are in italics. Word meanings and pronunciations: Monier-Williams, Sanskrit–English Dictionary (1872), via this site’s Sanskrit dictionary (CC BY-SA 4.0); English↔Sanskrit word matches made automatically and may need checking.